Gammel drikke- og markeringsplass for hester og folk i Lian ved Gamle Dalavei. Foto: Jan Kåre Rafoss
Eit gammalt kulturminne er igjen kome til syne i Lian ved fylkesveg 465(omgjort frå riks- til fylkesveg i 2010) i Vesterdalen mellom Englemoen på Åmodt og Listeinskleiva ved Svindland. Her kryssar Gamle Dalaveg av 1865 og 1920 den nåverande fylkesveg 465. Hestekjelda som var eit fast stoppestad i gamle dagar har i mange år vore gjenngrodd og ute av syne for ingen andre enn folk med spesiell lokalkunnskap. Nå er kulturminnet og markeringspunktet skilta og rydda av Tor Tjørnhom.
Sidan vasstrauet er laga av betong er det nærliggande å tru at vasshullet blei modernisera ved opprustinga av Gamle Dalaveg rundt 1920. Fyrste køyreveg i dalen blei bygd i 1865 og gjekk frå Åmot til Breimoen. Med køyreveg meines nok køyrelig for hest og kjerre. Fyrste bil til Kvinesdal kom i 1912, er det fortalt. Engelskmannen som fiska laks i Kvina, leiga bil frå Kristiansand.
Den gamle vegen i Vesterdalen frå 1865 gjekk frå Åmodts bru, Sandbrode, Englemoen, Skoknuden, Langaleide, Lian, Listeinskleiva, Svindland, Kjerrmyra, Trælandsbergan, Hoggan, Rafoss, Stampebrode, Langebakken, Omland, Skjekkeland, Revskare, Myra, Rossanskare til Breimoen. Vegen vidare til Øvre Kvinlog stod ikkje ferdig før i 1968.
Gamle Dalaveg er forøvrig rydda og gjort tilgjengelig som gangsti av Tor Tjørnhom og er ein svært idyllisk vandretur langs Kvina for interesserte. Frå Englemoen kan du gå heilt til Trælandsbergan før du møter på biltrafikk frå fylkesveg 465.
Kjelder:
Kultursoga tredje del av Ånen Årli, utgitt 1972
Gamle veger i Vest-Agder av Torfinn Normann Hageland, utgitt 2000
kl. 22:57
Så flott! Lurer på om det går ann å finne den hestekjelda som var i svingen ovenfor Sarons dal?
Varslekl. 07:37
Flott tiltak å få ryddet den gamle veien, og få kjelda frem i dagen.
VarsleI det bratte fjellet rett opp for vasstrauet er en spennende gammel gruvegang. Ettersom jeg husker det er den tørr og fin, og helt ufarlig å gå inn i.Vi var der noen ganger som barn og lekte..
Antar at noen har lett etter molybden, som så mange plasser i området rundt der og i Hamreheia.